بیدسادہ۔ بیدمشک۔ عرق بید مشک

Copy Rights @DMAC 2016

www.sayhat.net

بیدسادہ
(White Wilow)

لاطینی میں۔

Salix Alba

خاندان۔

Salicaeae

دیگرنام 

عربی میں خلاف ۔صفصات یامالودہ فارسی میں لیلیٰ مجنون پشتو میں کھواگاوالا۔افغانی میں اولہ جبکہ کشمیری میں ومبرکہتے ہیں۔

ماہیت۔

ایک بڑا درخت ہے جس کی لکڑی نرم ہوتی ہے۔اس کارنگ سفید ہوتا ہے اس کی دو اقسام ہیں۔ایک نرجس میں پھول نہیں آتا دوسرامادہ جس پر پھول آتے ہیں۔پتے کم و بیش ایک بالشت لمبے ہوتے ہیں۔جن کارنگ اوپر سے سبز لیکن نیچے سے سفید ہوتاہے۔اور موسم بہار میں نئے پیدا ہوتے ہیں پھول موسم بہار میں پتوں کے پیدا ہونے کے بعد لگتے ہیں ۔جن کارنگ زرد اور ہلکی خوش بوہوتی ہے 

مقام پیدائش۔

یہ عموماًکشمیر ۔ہمالیہ کی ترائی پنجاب نیپال تبت اریوبی کے کچھ حصوں میں پیداہوتا ہے۔
مزاج۔
پتے سردو خشک درجہ دوم ۔
پھول۔
سرد ایک تر درجہ دوم۔
استعمال۔
اس کے پتوں کے فرش پر سونا گرم مزاج اشخاص کیلئے جگر اور قلب کی حرارت اور خونی اور صفراوی بخاروں کو دور کرنے کیلئے مفید ہے۔اس کے تازہ پتوں کا پانی خونی دستوں کو بندکرنے کیلئے پلایاجاتا ہے۔
نیز تازہ پتوں کا نچوڑا ہوا پانی درد گوش کو تسکین دینے کیلئے کان میں قطور کرتے ہیں۔سدہ جگر اور یرقان ورم طحال کو زائل کرنے کیلئے پلاتے ہیں۔تازہ پھولوں کے سونگھنے سے دماغ کو فرحت حاصل ہوتی ہے اور گرم دردسرزائل ہوجاتا ہے۔اس کی چھال کے جوشاندے سے زخموں کو دھونے سے زخم جلدی ٹھیک ہوجاتے ہیں۔
عرق بیدسادہ۔
یہ پھولوں سے حاصل کیاجاتاہے جو افعال میں عمدہ ہوتاہے پیاس دفع کر تا ہے ۔
عرق بیدسادہ مسکن ہونے کی وجہ سے خفقان حار۔تپ جدری اور بخاروں میں مستعمل ہے۔
نفع خاص۔
مقوی قلب ودماغ اور تپ حارہیں۔
بدل۔
عرق نیلو۔
مصلح۔
عرق گلاب اور شکر۔
مقدارخوراک۔
عرق دس تول سے پندرہ تولہ تک
تازہ پتوں کا پانی دو تولہ سے پانچ تولہ تک۔
مرکب۔
عرق بید سادہ۔

Copy Rights @DMAC 2016

www.sayhat.net

بیدمشک۔
(Sallow)

لاطینی میں۔

Salix Caprea

خاندان۔

Salicaceae

دیگرنام۔

عربی میں خلاف بلغمی ،فارسی میں گربہ بید ‘ہندی میں بید مشک۔

ماہیت۔

بید مشک کا درخت بید سادہ کے درخت سے چھوٹا ہوتاہے۔اس کے پتے موسم خزاں میں گرجاتے ہیں۔اور موسم بہار میں پیدا ہوتے ہیں۔اس کا درخت بیس سے تیس فٹ بلند ہوتا ہے پتے بید سادہ کے پتوں کی طرح لیکن اس سے چھوٹے موسم بہار میں پھول پتوں سے پہلے نکل آتے ہیں۔اسکے تنے کی گولائی تین سے چار فٹ تک چھال سیاہی مائل نیلگوں یازردی مائل سرخ ہوتی ہے اسکی لکڑی گلابی اور نرم ہوتی ہے رنگ ہلکا سبزی مائل ہوتاہے۔

بید سادہ کے پھول کی مانند لیکن اس سے زیادہ خوشبو دار ہوتے ہیں۔اس کے پھول لمبے سیدھے اور بلی کی دم کی طرح ملائم ہوتے ہیں۔

مقام پیدائش۔

کہتے ہیں کہ اس کا اصل وطن ایران ہے اسکے علاوہ کشمیر روہیل کھنڈ یورپ اور شمالی مغربی بھارت میں پیدا ہوتاہے لیکن ہندوستاں میں پارسیوں کے توسط سے آیا ہے۔

مزاج۔

سردایک تردرجہ دوم۔

افعال۔

مقوی باہ مفرح قلب مقوی دماغ ،مسکن حرارت مدربول مسکن درد ملین شکم دافع بخار۔

مقوی باہ،حابس الدام ۔

استعمال۔

بید مشک کے افعال نیز اس کا امراض میں استعمال بید سادہ کے مانند ہی ہے۔لیکن بید سادہ سے تمام افعال میں قوی ہوتاہے دل و دماغ کو تقویت و تفریح بخشتا ہے تلیین شکم کے علاوہ اعضائے آحثاءکوقوت دیتا ہے گرم مزاجوں میں قوت باہ کوبڑھاتا ہے گرم درد سر کو زائل کرنے اور خفقان کی تمام قسموں کو دور کرنے کیلئے مفید ہے۔

اس کے درخت کا پوست حمیٰ وجع المفاصل اور وبائی نزلہ میں نافع ہے۔پیاس قے تپ محرقدوغیرہ کا دافع ہے۔

آشوب چشم حار میں مقامی اور اندرونی طور پر پلایا جاتا ہے اس کی راکھ پھول یا پوست گھول کر پلائی جائے تو منہ سے خون آنے کوبندکرتاہے۔اور جریان اور خون پر ذروداًمفیدہے۔

Copy Rights @DMAC 2016

www.sayhat.net

عرق بیدمشک۔

اسکے پھولوں سے عرق ،روح عطرکشید کیاجاتاہے۔جوکہ مفرح مقوی اور مبہی ہوتاہے سردردحار۔آشوب چشم میں پلایاجاتا ہے۔مذکورہ امراض کے علاوہ گرم بخاروں میں بھی بکثرت استعمال ہوتاہے۔
نفع خاص۔
مسکن درد سر ،مقوی قلب ۔
مضر۔
کمرکیلئے۔
مصلح۔
شکروعرق گلاب ۔
بدل۔
عرق بیدسادہ ۔نیلوفر۔
مقدارخوراک۔
بیدمشک کا تازہ پانی دو تولہ سے پانچ تولہ تک ۔
عرق دس تولہ سے پندرہ تولہ تک۔
مشہورمرکب۔
خمیرہ ابریشم۔